ONDORIOA
Ze tresna teknologikok laguntzen gaituzte lankidetza moduan ikasteko?
Ze tresna teknologikok laguntzen gaituzte lankidetza moduan ikasteko?
Baliabide teknologiko ugari daude,
bai; baina ez gaitezen galdu tresna teknologikoetan. Oso baliagarriak izan
daitezke aipatu ditugun tresna edo zerbitzu guzti hauek, baina bere tamainan.
Badugu sarritan gelan, guk geuk ikasle
modura, tresna teknologikoen saturazio sentimendua: hainbeste power point,
hainbeste ordu pantaila erraldoiaren aurrean, etxera heldu eta moodle-en
begiratu behar gainera… Sarritan ez dira batere ondo erabiltzen tresna hauek;
modu honetara kalte egiten diote bai ikasleari, bai irakasleari, baita
ikasle-ikasle nahiz ikasle-irakasleen arteko komunikazioari. Esaterako, aurtengo eta iazko ikasturteetan frogatu ahal izan
dugunez, irakasle batzuek ahozko komunikazioari garrantzia kendu eta power
point diapositibetako letra txikiak irakurtzen zituzten klaseak ematerakoan.
Ikasleok, azalpenen ildoa eta gaiarekiko arreta galtzen genuen. Beste adibide
bat: klase guztietara joan arren, moodle-ko azalpenak irakurri beharra lanen
bat egin behar dugula edo nola egin behar dugun ohartzeko.
Tresna mota egokia, modu egokia eta
kantitate egokian erabiliz, tresna teknologikoak oso baliagarri izan daitezke.
Irakasleari lana erraztu ahal diezaioke, eta ikasleari asko lagun diezaiokete.
Bestalde, komunikazioa eta lana erraztu dezake tresna hauen erabilpen egokiak.
Baina hitzak berak dio: tresnak dira. Lanerako tresnak dira; informazioa
lortzeko, informazioa biltzeko, informazioa pasatzeko, komunikatzeko,…
Irakaskuntza-ikaskuntza prozesuan
lagun gaitzaketen tresnak dira.
Hasieran aipatu bezala, Informazioaren
Gizartea da gaur egungoa, eta irakaslearen funtzioa aldatuz joan da; bai.
Irakaslea ez da lehen bezala, informazioaren iturri bakarra, liburuez gain.
Internetek egiten duen tresnen eskaintza zabala hor dago; bai onerako eta bai
txarrerako. Irakaslearen lana izango da tresna hauen erabilpen egokia sustatzea.
Baina horretarako irakasleak ere badu zer ikasi: alde batetik, teknologiaren
mundu zabalean murgildu eta bere erabilpenerako prestatu beharko da; eta
bestetik, IKTen erabilpenen gaineko hausnarketa sakon bat egin beharko du.
