ONDORIOAK ESKOLA ETA IKTak

ONDORIOAK ESKOLA ETA IKTak

Egia da gaur egungo eskolak eta antzinakoak ez dutela zerikusirik informazioari dagokionez. Gaur egun hainbat tresna teknologiko erabiltzen dira: ordenagailua, bideoa, telebista…
Informazioaren gizartean bizi gara eta eskolak ere egokitu direla bat etorriko ginateke. Irakasleak laguntza tresna bezala erabiliko dituzte ordenagailua, proiektorea eta arbel elkar eragilea esaterako. Haurrekin gelan ordenagailua erabiltzeaz gain, ordenagailua nola erabili azaltzen ere jakin behar da (oinarrizko hitz tekniko eta programa desberdinak esaterako).
Gainera orain praktikak egin ditugu eskola desberdinetan eta denok ondorio berera iritsi gara. Urte gutxitan eskolak IKTak egunerokotasuneko tresna gisa erabiltzen dituela, kalitatezko hezkuntza bermatzen dutelarik. Beraz, IKTek garrantzi handia hartu dute eta ikaskuntza nahiz irakaskuntzan gauzak errazteko balio dutela ez dugu zalantzarik egiten.
Erabilera egokia edo muga non dagoen jakitea ez da erraza baina etorkizunean ikusiko dugu hori. Hala ere, bidea irekita dago eta eskoletan IKTak oso txertatuak daudenez, irakasleak hauek erabili ahal izateko prestakuntza behar duela argi dago.